ಸಾಮಾಜಿಕ - ಆರ್ಥಿಕ - ಶೈಕ್ಷಣಿಕ ಸಮೀಕ್ಷೆಗೆ ನೊಳಂಬ ಲಿಂಗಾಯತ ಸಂಘ ವಿರೋಧ.

ಬೆಂಗಳೂರು ಏಪ್ರಿಲ್ 17; ರಾಜ್ಯ ಸರ್ಕಾರ ಬಿಡುಗಡೆ ಮಾಡಲು ಮುಂದಾಗಿರುವ ಸಮಾಜಿಕ,ಆರ್ಥಿಕ,ಶೈಕ್ಷಣಿಕ ವರದಿ ವೀರಶೈವ ಸಮುದಾಯದ ನೊಳಂಬ ಸಮುದಾಯಕ್ಕೆ ಅನ್ಯಾಯ ಮಾಡಲಾಗುತ್ತಿದ್ದು ಇದನ್ನು ಸಂಪೂರ್ಣ ತಿರಸ್ಕರಿಸುವುದಾಗಿ ನೊಳಂಬ ಲಿಂಗಾಯತ ಸಮಾಜ ವಿರೋಧ ವ್ಯಕ್ತಪಡಿಸಿದೆ.

ಸುದ್ದಿಗೋಷ್ಢಿಯಲ್ಲಿ ಮಾತನಾಡಿದ ರಾಜ್ಯಾಧ್ಯಕ್ಷ ಬಿ.ಕೆ.ಚಂದ್ರಶೇಖರ್, ಮಾಜಿ ಅಧ್ಯಕ್ಷ ಬಿ.ಎಸ್.ಪಾಟೀಲ್ , ನೊಳಂಬ ಸಮುದಾಯ ರಾಜ್ಯದಲ್ಲಿ 20ಲಕ್ಷ ಸಂಖ್ಯೆಯಿದ್ದು ಆದರೆ ನೊಳಂಬ ಸಮುದಾಯದ ಸಂಖ್ಯೆಯನ್ನು ತಪ್ಪಾಗಿ ತಿಳಿಸಲಾಗಿದೆ, ಈ ವರದಿಯನ್ನು ಜಾರಿ ತರಲು ಮುಂದಾದರೆ ಬಾರೀ ಪ್ರಮಾಣದ ಹೋರಾಟ ನಡೆಸಲಾಗುವುದು ಎಂದು ಎಚ್ಚರಿಕೆ ನೀಡಿದರು.

 ತರೀಕೆರೆ ಮಾಜಿ ಶಾಸಕ ನಾಗರಾಜಪ್ಪ ಮಾತನಾಡಿ,ನೊಳಂಬ ಸಮುದಾಯ 12ಜಿಲ್ಲೆಗಳಲ್ಲಿ ತನ್ನ‌ ಸಂಖ್ಯೆಯನ್ನು ಹೊಂದಿದೆ, ಈ ಹಿಂದೆ ಒಂಬತ್ತು ಜಿಲ್ಲೆಗಳಿಂದ ಶಾಸಕರು ಆಯ್ಕೆಯಾಗಿ ಬಂದಿದ್ದಾರೆ,ನಮ್ಮ ಸಂಘದಿಂದ ಮಾಡಿಸಿದ ಸಮೀಕ್ಷೆಯಲ್ಲಿ 20ಲಕ್ಷ ನೊಳಂಬ ಲಿಂಗಾಯತ ಜನಸಂಖ್ಯೆಯನ್ನು ಹೊಂದಲಾಗಿದೆ ಎಂದು ತಿಳಿಸಿದರು.

ಜಾತಿ ಗಣತಿ ವಿರುದ್ಧ ಒಕ್ಕಲಿಗ ಸಂಘದವರು ನಡೆಸುತ್ತಿರುವ ಹೋರಾಟಕ್ಕೆ ನಾವೂ ಕೂಡ ದ್ವನಿಗೂಡಿಸಿ ಹೋರಾಟ ನಡೆಸುವುದಾಗಿ ಹೇಳಿದರು.